-2愈辣愈啱胃口 曼聯歎韋根私房菜

猪拉多纳

26/12/2011
文： 朱楓

今晚英超曼聯主場對韋根，紅魔件菲爾鍾斯可以復出，加上佢哋一向恰慣韋根，曼聯拆禮物攞3分實在唔難，「讓球主客和」開到-2，但個「讓球主勝」變咗有2.12倍，夠和味，值捧！（有線201及301、廣東體育周一晚11:00直播）


近4次交手曼聯贏「16:0」


自從歐聯出局後，曼聯狀態全面回勇，上仗作客更以5:0大炒富咸，遺憾係菲爾鍾斯同艾舒利楊格賽後都驗出有傷，但最新消息指，菲爾鍾斯顎骨傷勢冇想像中嚴重，今晚應該可以復出，右閘拉菲爾達施華亦隨時候命，配合王牌前鋒朗尼，朱楓睇好曼聯可以再下一城。




對家韋根近況唔曳，連和車路士同利物浦兩大勁旅，但其體力同意志已用得七七八八，今晚作客奧脫福隨時崩潰，畢竟韋根史上13次對住曼聯錄得全敗，對上4次交手更淨吞16隻光蛋，平均每仗輸0:4，今晚好可能被曼聯當禮物咁拆！