哈特斯菲爾德有信心飛

猪拉多纳

26/12/2011
文： Riohard Welbing

又到一年一度嘅拆禮物日，英倫各級聯賽都有賽事進行，而其中一場英甲賽事由哈特斯菲爾德主場對車士打菲特。哈軍已經連續三場聯賽未能取勝，近況認真麻麻，不過今場仍然畀操盤手一致睇好，主W賠率熱到1.3倍，今場熱透盡顯信心，相信可擺脫近期不利走勢，以大比數擊敗車士打菲特，「讓球主勝」值得留意。（周一晚11時開賽）


車士打作客腳軟


哈特斯菲爾德最近經常被外國報章提及，主要原因係神射手魯迪斯或於一月轉會，不過呢個年僅廿一歲嘅蘇格蘭球員講到明要協助球隊取得升班資格，暫時唔會接受任何邀請。魯迪斯言論唔單止令球迷高興，亦令到球隊士氣大振，回復十足鬥心下，今場要大勝弱旅唔係難事。車士打菲特今季聯賽作客敗率高達八成，數據缺乏支持，當然要捧哈特斯菲爾德。