史浩克抖多日着數過慕遜

猪拉多纳

21/12/2011
文： 蘇斯黑柴

德國盃第三圈重頭戲慕遜加柏主場鬥史浩克04，雙方首循環都取得超過預期成績，大家都希望喺2011年最後一場比賽畫上完美句號，相比之下，慕遜加柏上仗苦戰擊敗緬恩斯搏得好殘，即使有主場之利，亦讓唔起平均質素同狀態更勝一籌嘅史浩克，推介1.55倍「讓球客勝」。（無綫翡翠台周四凌晨3時30分直播）


慕遜王牌馬高列奧斯再傷


慕遜加柏周日力戰下險勝緬恩斯，以十七戰十勝三和四負佳績完成首循環比賽，排德甲第四位，呢個成績係球會卅五年來最佳開局，教練法夫爾功不可沒。不過周日之戰除過程艱苦外，王牌中場馬高列奧斯同門將達史特根都勇戰受傷，今晚就算可以趕及上陣，都唔會有十足狀態，而且匆匆三日即面臨另一場硬仗，休息時間固然比史浩克少，球隊兵源亦較薄弱，令今仗爭勝機會蒙上陰影。




史浩克上半季表現比慕遜加柏尤勝一籌，聯賽比慕遜加柏多一分排第三，歐霸盃亦強勢殺入卅二強，上輪聯賽以五比○狂數雲達不來梅，勇達巔峰，星級射手魯爾連中三元，更當選上輪德甲最佳球員，球會上下正全力希望留住呢位傳奇射手，預告日後會同佢搞告別賽，邀請佢退役後出任形象大使，魯爾本身傾向留隊，目前全隊士氣極佳，上仗有傷嘅中場新星賀治比亦告傷愈，今仗基本上可以夫添出擊，強勢力爭晉級。




史浩克近季德國盃成績優異，除肩負衞冕責任，前季亦殺入四強僅負拜仁慕尼黑，球隊上下對呢個盃極有感情亦極為重視，皆因今季有得踢歐霸都係拜上季捧得德國盃所賜，今晚即使作客亦不落下風，受讓值得捧場。