17歲列特文閃耀伯明翰

猪拉多纳

19/12/2011


水晶宮同伯明翰雖於英冠打拚，但陣中都有超級新星。水軍前鋒韋費特沙夏勁到利物浦、紐卡素都想一月將佢收歸旗下，但呢位射手今場停賽缺陣，焦點落於伯明翰十七歲新貴列特文身上。




呢位翼鋒球員去年正式升上伯明翰一隊，並曾入選過英格蘭U16、U17及U18國家隊。今年列特文於歐霸盃鬥國民隊賽事中入波，而上仗鬥馬里博爾，佢更加舞龍咁舞不斷衝擊對手防線，並助攻阿當朗尼入波當選該仗最佳球員。領隊曉頓當佢係寶，未來將會續用呢名新人，相信好快就會得到英超球會垂青。