巴塞加冕冇難度

猪拉多纳

18/12/2011
文： Wendy

我愛隊曼聯歐霸盃抽籤出師不利，首戰就要硬撼阿積士，雖然唔知費爵爺對呢隻盃有冇興趣，但要踢多兩場硬嘢，對聯賽點都有啲影響，好在另一邊曼城都要對波圖，條氣先順番晒！歐霸嘅戲碼咁勁，都唔知係咪歐洲足協想谷收視？另一邊廂歐聯就流咗些少，焦點欠奉，巴塞都只係抽到利華古遜，好籤稱唔上，但過關冇難度啦。


國際足協整色整水


當然以今時今日嘅巴塞，點只過關，連捧盃都冇難度！今日佢哋喺日本對住山度士，小妹絕對睇好佢哋法定時間贏波兼捧盃，如果咁都贏唔到隻盃，韋拿同阿歷斯山齊士咪傷得好冇價值？




巴塞早幾日半力出擊已經贏艾薩德四球，成班二線兵個個有波入，踢熱身賽都無咁輕鬆，始終佢哋打遍歐洲無敵手，巴塞喺唔少球迷心目中已經係世界最強，儘管韋拿同阿歷斯山齊士一齊受傷，都仍然有強勁攻力招呼山度士，美斯、法比加斯同恩尼斯達都係全能攻擊中場，你南美波鍾意扭？巴塞識扭之餘仲識小組傳送，格食格，山度士好難有甜頭。




國際足協就擺明整色整水，搞咁多年世冠盃，屆屆決賽咪又係南美冠軍對歐洲冠軍，同以前洲際盃無分別，分明就係去日本搞場大龍鳳嚟掘金啫。


球彩全女打


熱愛舞蹈的Wendy，04年歐國盃Euro Babe變身成有線球彩台節目主持，當初對足球猶如混沌初開，依家已滾瓜爛熟，最愛暢談波經。




phone波熱線：1831 678

電郵：soccer64@cabletv.com.hk

開放時間：晚上10:00-深夜2:30（快樂星期天）