尼馬都feel到地震

猪拉多纳

15/12/2011


尋日兩場世冠盃開波前，豐田球場及名古屋附近發生地震，多名球員包括尼馬在內都感受到，山度士後衞丹尼路達施華更喺twitter留言話好驚，國際足協表示地震唔會影響餘下賽程。




另外，巴塞中堅碧基依然不忘寸吓死敵皇家馬德里，佢話巴塞同各洲勁旅爭緊世冠盃呢個殊榮之際，皇馬就要同丙組仔爭西班牙盃，真係同人唔同命。


望同美斯換波衫


此外，盛傳巴塞高層嚟日本有另一個任務，就係同山度士前鋒尼馬傾條件。尼馬已不止一次公開讚賞巴塞，仲希望決賽當日可同美斯交換球衣添！