比錫達斯架細攻城

猪拉多纳

14/12/2011
文： 樂比堅尼

E組土耳其比錫達斯主場對史篤城，史篤城已提早出線，而比錫達斯拎一分亦搞掂，兩隊今場根本唔使急，隨時歎慢板攜手出線，今場首選捧細盤。


（有線61及201台周四凌晨2時直播）

史篤城講明出副選

史篤城目前以十一分排榜首，領隊佩尼斯講明為留力聯賽會收起部分正選，不過佢哋之前幾場歐霸分組賽都唔係夫添，仍保持五戰不敗，可見史篤城係一支相當有紀律、防守甚堅固球隊，所以今場就算輸亦未必大敗。


比錫達斯領先第三位基輔三分，只要今場攞一分，又或者同組另一場基輔贏唔到特拉維夫馬卡比就出線，對佢哋嚟講係簡單任務，今場贏面雖然稍高，但預計兩軍踢法唔會太冒進下，捧細盤更穩陣。