祖記踢館冇難度

猪拉多纳

12/12/2011
文： 巨高

羅馬上輪聯賽以○比三不敵費倫天拿，兼有三個球員攞紅牌，包括祖安、加高及保贊。有外國媒體指出三位球員因不滿教練安歷基而刻意攞牌搞作對，但無論有心定無意，今場大戰都要「坐波監」。最麻煩係陣中已有大量傷兵，卡積亞、貝迪素、卡斯錫迪、大衞比沙路及波連尼都唔出得。喺兵源短缺下，安歷基好可能要安排「小王子」迪羅斯打中堅，聽到都戥羅馬後防牙煙。


祖記近三作客羅馬全勝


查實排陣古靈精怪係前巴塞隆拿球星安歷基嘅「特色」，早前佢曾經安排兩名中場球員柏路達及泰迪打左右二閘，輸波之餘更惹嚟球迷狂插。今次對住祖雲達斯又排怪陣，真係唔明安歷基想玩乜。唔好畀巨高開口中，安歷基未必捱得過年尾，美籍老闆隨時喺聖誕前向佢開刀，現時羅馬可謂毫無隊形可言，祖雲達斯睇到梗係掩住半邊嘴偷笑。




祖雲達斯今季擺明要爭聯賽冠軍，戰意一定唔使懷疑。難得今季國際米蘭及羅馬齊齊沉淪，祖雲達斯一定把握良機食住上，重奪失落已久嘅聯賽冠軍。有一項數據一定要提出，就係祖雲達斯近十一年作客羅馬只曾一敗，而近三次作客更全勝羅馬。有良好賽績支持，作客讓波都唔使怕，一於捧上盤。