多蒙特三叉戟炒起凱沙

猪拉多纳

11/12/2011
文： 朱楓

雖然啱啱喺歐聯出局，但樂觀啲睇，多蒙特嚟緊可以專心衞冕德甲，今晚係佢哋2011年最後一次主場出擊，朱楓相信「蜜蜂兵團」喺馬里奧葛斯同香川真司帶領下，有力炒起凱沙羅頓，開1.55倍「讓球主勝」！（有線61、64、201及204周日晚10:30直播）




凱沙羅頓傷兵多到嘔




多蒙特喺歐聯出局，主因係班兵冇大賽經驗，但一返到德甲，「蜜蜂兵團」近9戰就有7勝2和，完全係兩回事。雖然尋日無啦啦傳出馬里奧葛斯未必披甲，但朱楓Check過，查實葛斯今仗賽前會獲頒歐洲金童獎，好地地點會唔踢？睇怕係煙幕居多啦！有佢加香川真司同羅拔利雲度夫斯基合組三叉戟，火力唔講得笑！




相反，對家凱沙羅頓狀態沉到爆，3場不勝唔在講，最慘係傷兵名單水蛇春咁長，包括有前鋒米簡斯基、艾列、中場贊利比歷克、華莫夫、里域同後衞施梅歷等，完全係聽炒格。