馬賽好波主勝Encore

猪拉多纳

10/12/2011
文： ComboKing

今日阿King重心放在法甲聯賽，馬賽周中反勝多蒙特取得十六強出線資格，氣勢逼人，今周返回本土聯賽遇上近五場作客輸四場嘅波爾多，1.63倍主W可作為過關膽材。（周日凌晨4時開賽）




經過周中最後一輪分組賽，歐聯十六強席位已塵埃落定，當中法甲代表馬賽同里昂都在劣勢下反先對手晉級，鬥志的確抵讚，尤其馬賽作客多蒙特一度落後○比二，最終成功反勝對手三比二，呢份作戰精神足以彌補今場體力上之不足。連同早前聯賽擊敗巴黎聖日耳門、卡昂，馬賽已經三連勝，士氣、信心返晒嚟，射手阿休連續三場有士哥，雷米亦有兩個入球，攻力有保證，主場出擊更添信心。


波爾多作客腳軟


波爾多近兩場先後擊敗卡昂、南錫，不過兩次都係主場賽事，球隊對上五場作客聯賽只得一勝四負，唯一贏波對手係包尾阿斯些奧，叻極有限，今場一於捧馬賽主勝。




另外兩關都係法甲，榜首蒙彼利埃目前以三分領先千萬大軍巴黎聖日耳門，戰績冇花冇假，射手基奧特以十二球高踞射手榜首位，已成多間富豪球會獵物，今周作客華倫西恩斯，平手盤揀客軍。最後圖盧茲主場穩定，有力擊敗升班隊伍伊維恩取三分。