利物浦遇弱腳軟博昆士柏偷雞

猪拉多纳

10/12/2011
文： 張志德

細鬼今晚心水放在英超利物浦主場鬥昆士柏流浪，講牌面一定係紅軍佔優，不過大家都知呢班波遇強愈強、遇弱愈弱，今季主場面對另外兩支升班球隊諾域治、史雲斯都和波，今次再度失分有乜咁出奇，一於扒冷敲3.5倍「讓球客勝」。（有線304及204台周六晚11時直播）


今季兩遇升班隊皆和波


利物浦上場作客○比一不敵富咸，聯賽八場不敗走勢告終，中場史比寧領紅牌被逐固然係勝負轉捩點，不過就算十一打十一，細鬼都唔覺得紅軍有太大優勢。自從杜格利殊接手之後，紅軍已經轉型踢番英式傳統足球，進攻較單調，面對弱旅嘅密集防守有時便會顯得老鼠拉龜。睇番佢哋今季主場面對諾域治、史雲斯兩支升班球隊都係打和一比一，就算贏狼隊都只係險勝，讓波太多始終會令球迷有戒心。




昆士柏目前排聯賽榜十四位，表現不過不失，佢哋今季除咗贏過車路士，作客曼城都只係僅負二比三，士氣、信心似乎仲Keep到。對呢啲弱旅嚟講，作客能夠攞一分已經係超額完成，預計佢哋今場都會沿用一貫穩守突擊，以紅軍攻力實在冇大炒把握。考慮到今場主W賠率只得1.23倍，與其博紅軍贏兩粒開「讓球主勝」先有好分頭，不如博昆士柏流浪死守成功有分落袋，除敲3.5倍「讓球客勝」，5倍和波亦可一試。




本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。