奧克蘭前鋒做過美斯拍檔

猪拉多纳

08/12/2011


港迷可能對新西蘭球會奧克蘭有少許陌生，其實今次已經係佢哋第三次參戰世冠盃，呢班波近年嘅組軍方針，正正與上季港甲冠軍傑志一樣，將球隊西班牙化，大踢「巴塞式」足球。




巴塞隆拿近年傲視世界球壇，其他球會自然爭相倣效，奧克蘭係其中之一，到處發掘巴塞滄海遺珠。




奧克蘭有多達四名西班牙援兵，前鋒殺手文奴艾斯普薛圖同中場安德魯都踢過巴塞，前者更曾替巴塞一隊在熱身賽登場，同過「球王」美斯拍檔，實力有一定保證。至於安德魯就係巴塞青年軍成員，近季長時間踢希杭，具豐富西甲經驗。




不過，奧克蘭對上兩次踢世冠盃都成績欠佳，共踢五場賽事一勝四負，即管睇下呢班西班牙幫能否替球隊在今屆踢出驚喜。