拿玻里報仇爭出線 部署重兵轟沉黃潛

猪拉多纳

07/12/2011
文： 查理阿蛋

今晚歐聯A組「黃色潛艇」主場鬥拿玻里，主隊5戰全負鐵定包尾出局，今場又點會有心同你攻？相反拿玻里決意一報上屆歐霸遭「黃潛」踢出局之仇，力求全取3分晉級，3.15倍「讓客」都博得過！（有線62及202周四凌晨3:45直播）

維拉利爾篤定包尾點會搏

維拉利爾之前喺西甲曾經短暫升上中游位置，小妹都以為佢哋終於復甦，點知輸埋畀桑坦德後又跌番落降班邊緣，即使射手尼爾馬復出亦未重拾狀態，教練加列度亦承認球隊表現不佳：「班球員必須畀多啲火同信心！」歐聯5戰後得0分嘅維拉利爾已經篤定出局，佢哋連聯賽都未顧掂，又點會白費氣力去應付呢場賽事？


勢頭強勁嘅拿玻里近5場都未輸過，隊中神射手卡雲尼仲愈戰愈勇，近4戰獨力攻入5球，火力絕對強勁，作客亦冇有怕。拿玻里今晚只要贏波就可以肯定出線16強，加上上屆歐霸盃正正係被維拉利爾踢出局，今仗仲唔趁「黃潛」病報仇咩！