利華收韁豪畀亨克

猪拉多纳

06/12/2011
文： 肥叔

歐聯分組賽去到最後一輪，上演多場生死戰，根據過往經驗，強隊晉級大多有驚無險，所以車仔嘅球迷唔使太擔心，肥叔相信佢哋喺最後一輪，佔主場之利仍可力壓華倫西亞出線，反而已取得出線權嘅利華古遜，大家不宜抱太大期望，畢竟亨克主場有啲料到，受讓值得捧場。（周三凌晨3時45分開賽）




亨克五戰得兩分喺E組排包尾，但留意佢哋主場同作客係兩回事，亨克喺歐聯兩場分組賽主場賽事，分別打和華倫西亞同車路士，兩場波僅失一球，可見作客要入佢哋波唔容易，更何況利華已打入十六強，今仗有條件打風流波。


尼科西亞博你唔信


另一支肥叔相當鍾意嘅球隊係尼科西亞，呢支塞浦路斯神奇球隊唔信唔信，畀佢贏完一場又一場，如果計盤路佢哋五場分組賽贏晒，真係唔到你唔服，佢哋今仗主場迎戰篤定包尾嘅薩克達，照目前氣勢，再贏多場一啲都唔奇，讓半球捧上盤。




最後一場推介巴迪下盤兼大盤，巴塞目前喺聯賽落後皇馬三分但多踢一場，嚟緊國家打吡作客皇馬，如果再失分就真係大件事，呢場例行公事對巴迪唔會上心，讓得多有危機，捧埋下盤隨時雙殺！