水晶宮正氣幫到手

猪拉多纳

06/12/2011
文： ComboKing

今晚除歐聯外，英格蘭嗰面亦有賽事，英冠就有獨腳戲班士利主場對水晶宮，揀受讓客軍。班士利多年來均屬中游分子，實力只係有限公司，近期三連勝已係極限，再追佢贏分分鐘追寶尾。事實上，上次班士利四連勝已係七年前嘅事，水晶宮近期表現正氣，阿King要「讓球客勝」。（周三凌晨3時45分開賽）




桐油埕始終都係裝桐油，班士利多年都於英甲、英冠浮浮沉沉，06/07球季升上英冠後，從來未試過衝擊升班，降班機會仲大好多添。睇番班士利目前人腳，亦只係中游料子，要佢哋今晚完成四連勝極有難度。




班士利一向畀人「搵食波」感覺，現時賽績佳，加上對手又踢得密，今仗屬孭飛一方，信佢哋分分鐘中招。水晶宮前仗於英聯盃作客淘汰曼聯，球隊士氣大振，之後主場被打比郡逼和，演出亦唔曳，今次作客贏埋都唔奇，捧「讓球客勝」穩陣。


奧咸強爆巴拉福特


另外英錦標賽事，英甲奧咸主場鬥英乙巴拉福特，主隊近期表現出色，近六次主場贏出五仗，當中四次贏兩粒或以上，作客嘅巴拉福特唔夠砌，揀「讓球主勝」。




另一仗英甲普雷斯頓主場對同級車士打菲特，普軍近期鋒力曳，相反車士打菲特戰鬥力強入到波，取車士打菲特「讓球客勝」。