巴塞13主力避戰捧細盤

猪拉多纳

06/12/2011
文： 法比加輝

由於歐聯Ｈ組首次名已塵埃落定，最後一輪焦點落晒喺「三哥」之爭！捷克柏辛域陀尼亞只要今晚賽和ＡＣ米蘭，就能鎖定第三轉戰歐霸，目標清晰；反觀ＡＣ例行公事戰意欠奉，Hea踢機會甚高，柏辛域陀尼亞受讓值博。（周三凌晨3時45分開賽）


AC作客無謂搏


基於柏辛域陀尼亞主場不合規格，今場賽事繼續在捷克布拉格伊甸球場進行。柏辛域現時較包尾巴迪多兩分，因前者對賽成績較佳，所以今場攞一分已能穩奪第三，求和自然係首要目標。至於ＡＣ就鐵定次名出線，冇嘢好爭，教練阿里基好可能派大量副選上陣，而有傷嘅艾比亞迪、尼斯達、加度素，連埋停賽嘅阿古蘭尼都肯定缺陣，爭勝心唔堅定，到訪捷克讓波擇使。




另一場巴塞隆拿主場對白俄巴迪，「地上最強」穩奪首名，踢罷今場又要預備重量級大戰西班牙國家打吡，所以主帥哥迪奧拿賽前已表明會收起多達十三名主力，美斯、恩尼斯達、沙維等正選統統休戰，剩下碧基及柏度洛迪古斯領軍出征，攻力難免大減。雖然巴迪為爭第三要求勝，但老實講喺魯營輸少已經當贏啦，加輝認為客隊都會抱呢種心態應戰，捧細。