拉素死火難恰細路

猪拉多纳

05/12/2011
文： Mic少

今輪意甲壓軸戰，拉素主場對路華拿，季初也文也武嘅拉素已無以為繼，事關射手高路斯近期帶傷上陣，發揮大受影響，令球隊死晒火，已連續三場食白果。至於路華拿鋒線備受傷停問題困擾，相信亦無力破門，捧入球細為妙。（周二凌晨3時45分開賽）




拉素季初成績理想，好大程度上因為高路斯狀態大勇，頻頻入波建功，球隊不知不覺愈來愈依賴佢，但呢位德國國腳畢竟已三十三歲，搏完一輪後已呈現疲態，近期更出現傷患問題。由於佢對拉素太重要，被迫頂硬上，但勉強冇幸福，高路斯表現已不如前，拉素攻力亦受削，近三場賽事都冇波入。


路華拿「傷鋒」死守


路華拿攻力差，近七場聯賽有四場入唔到波，而且前鋒馬治奧尼利停賽，日本射手森本貴幸養傷，要以殘陣應戰，唔好奢望佢哋可以作客取得入球。兩隊進攻方面都存在明顯缺陷，屆時入球數字唔慌多，入球細屬首選。