小保加開P攻「細」唔多

猪拉多纳

04/12/2011
文： 吉拿甸奴

阿甲捧盃畀面派對預埋你，榜首嘅小保加聽朝喺主場對班菲特，好可能提早封王，而且隊長列基美有機會傷愈落場踢幾分鐘親自捧盃，加上小保加教練費斯安兩年前帶領班菲特攞到聯賽冠軍，相信佢啲舊手足唔會令佢掃興，以和為貴唔似多波入，一於博1.57倍入球細。（廣東體育周一早上6:10直播）




賽前有報道話，為免次席嘅堤格雷對聖羅倫素失分，造就榜首嘅小保加未對班菲特就提前攞冠軍，球迷通宵慶祝影響治安，堤格雷場波將由當地時間周六延遲至周一下午踢。但無論如何，今輪比賽前小保加領先堤格雷9分，聯賽只係剩低3輪，冠軍走唔甩，小保加有咩必要大炒班菲特傷和氣？


班菲特缺射手難破鋼鐵防線


同樣道理，班菲特球員遇到費斯安，唔通又會搞寸佢個捧盃派對？唔會啩！就算唔理佢哋念唔念舊情，其實小保加今季踢咗16場聯賽有12次開入球細，期間只失7球，除咗75%開細，仲有機會打破阿甲失球最少紀錄，撞啱班菲特有前鋒艾祖卡奴停賽，火力進一步下降，玩入球細最穩陣啦！