雌狼內訌費倫踩多腳

猪拉多纳

04/12/2011
文： 走肖

狗咬狗骨可以話係死症，費倫天拿今晚喺意甲主場對「雌狼」羅馬，有機會趁對手內亂開主W，讓平半捧得過。雖然費倫今季戰績大倒退，但羅馬剛啱發生奧斯華度怒摑拉美拿事件，士氣直插谷底，即使隊長托迪有機會傷愈復出，睇怕都好難救得番。（now633及660台周日晚10:00直播）


羅馬奧斯華度摑隊友


今季費倫淪落到要護級，射手基拿甸奴受到傷患困擾影響入球數字固然係致命傷，加上後衞拿達利同高特立今場分別停賽、受傷，表面睇的確信唔過。不過今場費倫嘅對手羅馬，麻煩更加多，首先新教練安歷基唔得人心，得罪球會Icon托迪已經令人覺得佢冇運行，唔識做人想保住個飯碗都難。




其次係羅馬太多新球員加入，搞冧更衣室氣氛，上星期羅馬輸畀烏甸尼斯，射手奧斯華度埋怨新仔拉美拿獨扭唔交波，講口期間仲兜巴摑落對方塊面。雖然奧斯華度被球會罰款5萬歐元，兼被內部停賽1場後公開道歉，但呢件事足以反映，羅馬球員口和心不和，依家連中堅卡積亞都傷埋，真係捧唔過。