皇馬冇沙比照炒希杭

猪拉多纳

03/12/2011
文： 郭球奇

喺迎接「國家打吡」前，皇馬會先喺今晚西甲作客希杭。雖然賽前有指皇馬冇沙比阿朗素勝率急降40%，但今場對手畢竟只係降班膽希杭，何況皇馬近年對賽仲有優勢，球奇覺得「讓球客勝」仍值捧！（now632台周日凌晨1:00直播）


紐尼沙軒頂上一樣掂


皇馬近況真係好得人驚，上輪喺打吡戰大炒馬體會後，經已將連勝走勢增至13場。由於上場對馬體會攞到今季第5面黃牌，皇馬中場沙比阿朗素今場要停賽，賽前西班牙《馬卡報》作出統計，話皇馬自莫連奴執教後，有沙比賽事勝率高達78%，相反冇佢勝率急降至43%，好彩新援紐尼沙軒終於傷愈，今晚首度喺西甲擔正，肯定會加多兩錢肉緊。至於話C朗有傷可能缺陣，球奇覺得只係煙幕。




對家希杭本來略有起色，點知上場作客賽前3連敗嘅利雲特竟慘吞0:4，跌番落尾三，最慘近6次對皇馬輸足4鋪，今場真係破到蛋都偷笑。