阿仙奴專注聯賽劏韋根

猪拉多纳

03/12/2011
文： 車車

今季英超論勁旅表現，阿仙奴仲未上番Big 4，但喺歐聯嚟講佢又係首支英超球隊出線，早早放下心頭大石，英聯盃出埋局又唔會拖後腳，阿仙奴終於可以專心喺英超出戰。




今晚阿仙奴作客對韋根，我就一於睇好阿仙奴全取三分。事關曼聯、曼城、車路士都要為下場歐聯爭位分心，但阿仙奴可以專心今晚賽事。雖然阿仙奴今晚作客，但對住今季降班膽之一嘅韋根，要贏絕對唔難。


入球大都走唔甩


主隊韋根近兩場好似起死回生咁，作客贏新特蘭、主場和布力般，當中祖迪高美斯更加兩場有士哥。但可惜嘅係韋根後防失守問題一直尚未解決，十幾場聯賽只贏得兩場，幾乎場場都至少失一球，門將艾哈比斯成日蝦碌累球隊輸波。




阿仙奴後防同樣有問題，好在近期情況好轉，華美倫又復出番搭住施捷斯尼頂住，兼且前線尹佩斯如有神助，腳風甚順。加上過往兩隊近10次對賽，阿仙奴可以贏到7次，所以我撐阿仙奴今場除咗有力贏韋根外，入球大都走唔甩。（有線201及301台周六晚11時直播）


車車推介：韋根Vs阿仙奴 大


「車車」在1998世界盃至今已成「資深球迷」，2001年起在電台主持年輕人節目，2005年起主持電台足球節目，2010年底加入球彩台，主持《球彩俱樂部》及《球盤龍門陣》，並參與每周足球賽事直播。