雷恩唔識贏波敲3.2倍和

猪拉多纳

30/11/2011
文： 查理阿蛋

歐霸盃I組出線形勢終於有啲眉目，今晚榜尾雷恩主場迎戰烏甸尼斯，前者歐戰唔掂，今仗要贏波先有一線生機，不過烏甸尼斯作客例牌啞火，大家累鬥累，小妹決定冷敲3.2倍和。（有線63及203周四凌晨2:00直播）


烏甸作客7戰不勝入得2球


4戰得2分嘅雷恩依家位列榜尾，今場贏唔到就正式宣告畢業。唔好睇雷恩今季主場未輸過，但留心睇佢哋當中大半係和局，上仗聯賽亦只能以3:2險勝升班球隊伊維恩。加上中場馬維拿停賽，對烏甸莫講話贏波，要控制戰局亦有一定難度。


烏甸今季主場賽事全勝，不過作客近7戰贏唔到之餘更只得2球進帳。好在上場聯賽勇破羅馬，似乎令班球員回復唔少信心，教練古度連表示今場會喺中場開始壓迫，烏甸未必咬得入雷恩，但係雷恩主場都冇明顯優勢，小妹相信烏甸可以力保不失。.