法卡奧留番歐霸盃搏殺

猪拉多纳

27/11/2011
文： 力奇

歐霸盃嚟緊周中上演關鍵第5輪大戰，其中I組形勢相當混亂，4隊波都仲有出線機會，暫時排頭位嘅馬德里體育會或有射手法卡奧復出，增強火力作客強攻些路迪，初盤馬體會客W2.08倍，相對亞洲盤大約係讓平半低水，睇落上盤都幾畀到人信心。




馬體會今晨要出訪同市宿敵皇馬，踢完場馬德里打吡，就要專心爭歐霸盃出線資格。尋日西甲賽前傳出已經復操嘅哥倫比亞射手法卡奧，最後都趕唔切徹底傷愈，未有被列入出賽名單，有多少留力歐霸盃味道，再配合愈見進步嘅阿祖安盧比斯，要砌低今季各路戰線整體表現唔算突出嘅些路迪，機會應該樂觀。


拿玻里留力撼祖記


另邊廂嘅意甲補賽拿玻里對祖記，前者今晨作客阿特蘭大，據聞會收起射手拿維斯，等周中嚟打老虎。睇番拿玻里今季主場係巨人殺手，贏過AC米蘭同烏甸尼斯，亦都打和過拉素，唔講得笑㗎，如果臨場係平手盤，捧拿玻里應該冇衰。