「球隊醫生」打救費倫

猪拉多纳

27/11/2011
文： Mic少

意大利盛產名帥，卡比路、納比、安察洛堤都係頂級「金牌主帥」，甚至文仙尼都可以帶領曼城喺英超獨佔鰲頭。不過上述人士職業生涯主要執教勁旅，捧盃往往都係錦上添花，而能夠化腐朽為神奇，拯救弱隊嘅意籍教練，必定係費倫天拿新帥迪里奧羅斯。


迪里奧羅斯化腐朽為神奇


迪里奧羅斯堪稱「球隊醫生」，試過帶領萊切升上意甲，亦「醫好」受假波醜聞打擊嘅拉素，其後仲捧埋意大利盃。兩年前中途執教當時下游分子巴勒莫，球隊最終取得第五位，幾乎獲歐聯入場券。上季季中被炒，巴勒莫成績即插水，會方最後又要請番佢救亡，並打入意大利盃決賽。迪里奧羅斯早前接手費倫，首仗即同AC米蘭打和，盡顯功架。費倫今晚作客巴勒莫，迪帥對對方實力瞭若指掌，搶分成功機會更高，費倫天拿受讓平半，Mic少力捧下盤。（周日晚10時開賽）