兩軍對碰幾大都搏

猪拉多纳

27/11/2011


話明係「國家打吡」，馬賽、聖日耳門每次碰頭都踢得燦爛，無論邊隊成績較佳、狀態較好，雙方球員都踢到飛沙劈石，就好似英超曼聯對利物浦一樣。睇番近五季十場法甲對賽戰績，當中有七成都開大，而且主勝率僅得四成，可見兩軍交手變數極多。




雖然法甲波周時開細，但不適用於馬賽鬥聖日耳門此戲碼。齋睇近七次聯賽對撼，雙方入波偏多，其中六次開大盤，踢得好激烈；而呢七場對碰亦全部分到勝負，睇到兩軍每次交手都充滿爭勝心，不安於和局。