資訊過多隨時輸得更多

猪拉多纳

26/11/2011


傳統經濟學假設人係理性嘅，但行為經濟學就偏偏證明人係非理性動物，行為經濟學有一個理論叫做「自信理論」（Over Confidence Theory），「自信理論」認為，大多數人都會高估自己嘅能力、知識及智慧，即使係自我意識好健康，甚至非常缺乏自信嘅人都會。




其中一個令人過度自信嘅根源係來自「資訊幻覺」，傳統嘅觀念係資訊愈多愈好，好多投資者認為資訊愈多，把握力愈大，但其實過多資訊對投資者並冇幫助，反而更成為雜訊，擾亂判斷。


捧錫周三主Ｗ


有心理學家做過一個測試，畀馬迷從十個最有用嘅變數或資訊，例如往績、體重、騎練配搭等，叫佢哋做模擬投X，其後再畀多十個資訊呢班馬迷，再畀佢哋投X多一次，結果發現資訊嘅增加未有令準確性增加，相反係令佢哋注碼增加，埋單計數錢其實係輸多咗。




呢一點放於任何投資賭博都一樣，波盤市場尤其顯著，賭波人好多時知道咗出場陣容就會增加信心買多咗，又或最後階段見到落飛，覺得飛數對路又買多咗，呢類資訊就係增加咗信心，但係咪真係有助判斷呢，大家宜就自己買波習慣檢討一下。




今日英甲錫周三主場對奧連特，無謂講太多資訊，一句講晒，錫周三主場勁，聯賽主場七勝一和，主W1.65倍抵玩。