博洛尼亞當克難靠

猪拉多纳

23/11/2011
文： 巨高

意大利盃第四圈賽事，其中一場由意甲博洛尼亞主場對乙組克羅托內。雖謂博洛尼亞係甲組球隊，照計實力應該高過克羅托內，但博洛尼亞近期冇段好睇，剛過去周日主場對弱隊切塞納都輸波。博洛尼亞今季已多次令人失望，今場讓唔起克羅托內，可捧「讓球客勝」。


（周三晚10時開賽）


博洛尼亞整體成績差不特止，就連主場都踢唔出應有氣勢，今季聯賽博洛尼亞喺主場只贏過阿特蘭大，其餘場次全部輸晒。博隊主場賽績太差，轉戰盃賽都信唔過，讓波就一定揀對面克羅托內。

基爾禾恰到摩德納

至於同時間舉行仲有基爾禾主場對摩德納，基爾禾近況回勇，聯賽取得兩連勝，今晚主場出擊可繼續睇好。摩德納於意乙排名較低，相信球隊會以護級為最大目標，今季未必肯花心機爭盃賽。綜合雙方實力及戰意，基爾禾有望以大比數勝出，「讓球主勝」賠率不低值得捧場。