阿特蘭大藍黑新旗幟

猪拉多纳

20/11/2011
文： Mic少

講起意甲藍黑球衣，相信大家第一時間會諗起國際米蘭，但今季「藍黑旗幟」變成阿特蘭大（圖），呢支新升班球隊因為打假波今季被扣六分，但反而激起鬥心，依家積分仲多過國米。阿特蘭大堪稱意大利「少林寺」，出產唔少名將，尤其係前鋒，恩沙基及韋利都係効力阿軍時成名。


加比亞甸尼冒起速


阿特蘭大今季又冒起一粒新星，就係十九歲射手加比亞甸尼，佢雖然唔係正選，但踢國際賽卻非常出色，為意大利U21上陣十三次有十球進帳，佢家姐係意國女足主將，可謂一門雙傑。祖雲達斯已打算收購加比亞甸尼，當年恩沙基及韋利都係由阿特蘭大轉投祖記，踏上球星之路，加比亞甸尼似乎正行緊兩位前輩之路，值得留意。阿特蘭大今晚意甲作客對實力一般嘅錫耶納，有得受讓平半，Mic少力撐阿特蘭大下盤。




（周日晚10時開賽）