五人足球港隊要反思

猪拉多纳

20/11/2011
文： 樂比堅尼

香港喺亞洲五人足球錦標賽外圍賽出局，本來香港冇份打決賽周唔係咩稀奇事，但觸動樂比仔神經嘅係輸畀台灣，樂比仔唔係睇唔起台灣足球，只係台灣足球近年不斷起飛，作為鄰居嘅香港有必要加把勁。


捧墨爾本勝利主Ｗ


香港九二年就主辦五人足球世界盃，喺歐偉倫、山度士及譚兆偉帶領下，雖然未能打入八強，但對住強敵阿根廷都係僅輸一粒，可惜搞咗個世界盃後，香港五人足球完全冇進步過，今屆對中國、南韓大敗都算，連台灣亦唔夠打，球隊高層歸咎於甲組隊冇放人，但樂比仔可以話畀你聽，五人足球同十一人足球係兩回事，選手本應分家，你認為派隊巴塞或曼聯去踢五人足球，可以贏到班平時訓練有素嘅五人足球選手嗎？是日推介係澳職墨爾本勝利，珀斯光輝作客唔掂，捧主Ｗ。（周日下午2時開賽）