FC東京打沉勝利船

猪拉多纳

16/11/2011
文： 蘇豪

天皇盃第三圈十五場受注賽事同一時間開波，日乙一哥FC東京主場對神戶勝利船，東京人強馬壯夠料砌日職中游分子，今次雖然越級挑戰，但盤口異常硬淨足足要讓半球，睇盤已見信心，主勝值得捧場！


（周三晚6時開賽）


FC東京目前於日乙領先第四位札幌岡薩多九分，聯賽尚餘三周，只需再添一分已可提前升班，基本上無後顧之憂，可以放心征戰天皇盃。東京人腳極強，今場雖有防線重心今野泰幸缺陣，但前線有盧卡斯施維連奴及羅拔圖施薩等優質外援撐住，論實力絕不遜於神戶勝利船，有條件以攻代守。


勝利船上圈大數非聯賽球隊三洋電機洲本，只因對手太弱，戰績參考價值唔大。勝利船進攻倚重前日本國腳大久保嘉人，但此子近期狀態一般，前線要靠迪臣保保一個打晒，未必可以威脅FC東京。睇番今場個盤，東京越級挑戰勝利船，但竟然讓到半球，顯示莊家都睇好東京，主勝有計！

鹿角夫添炒起富山

日職鹿島鹿角主場對乙組仔富山勝利，鹿角今季聯賽唔掂，希望可以奪取天皇盃冠軍，藉此得到亞冠盃入場券，鬥志鮮明。大軍今場人腳完整，對住富山勝利級數贏晒，可望輕鬆大勝，「讓球主勝」值得捧場。

天皇盃資多啲

首屆天皇盃於1921年舉行，今年賽事已經舉行到第91屆

賽事數度因為特別原因停辦，包括26年天皇駕崩，以及45年二戰等

日職及日乙球隊首圈輪空，去到第2圈才加入戰團

鹿島鹿角於日職成立後4度奪標，包括去季封王，數字冠絕各軍

天皇盃冠軍可取得來屆亞冠盃入場券，同時可以參戰翌年日超盃

為免有球隊全後備上陣，第89屆起規定每隊要派出半隊以上主力

08年起搵來主要贊助商，獲駿河銀行開水喉支持

決賽規定於每年一月一日舉行，並在東京國立競技場上演