追名牌無底深潭

猪拉多纳

24/10/2011


仁：麥馬拿仁　樂：樂比堅尼




仁：前晚巴塞○比○，好多老友走地買盤買大都輸喎，有冇中招呀？




樂：你都知我平時早瞓o架啦，凌晨四點先開波，一早去咗搵周公啦，總算避過一劫！




仁：不過唔好話我馬後炮，巴塞今場讓到成兩球半，有冇誇張啲呀？話晒西維爾都算係實力分子，攞過兩屆足協盃冠軍吖！




樂：今時今日足球菠菜生態已經唔同咗，好似皇馬、巴塞等強隊出戰，閒閒地都讓兩三球，以往邊度會咁o架？而且呢個風已吹到去英超、德甲，依家拜仁、曼聯甚至曼城啲盤都辣到離晒譜！




仁：咪係囉，依家啲波愈來愈強弱懸殊，下盤唔敢買，上盤又辣到買唔落手，真係趕客咩！我寧願買英冠好過，起碼隊隊勢均力敵，賠率又有分頭先吖！

樂：我一向都覺得，足球同菠菜應該分得清清楚楚，淨係賭名牌，又或者直播波，真係多多都唔夠輸。

仁：同意，好似我專玩英冠、瑞典超呢啲二、三線聯賽，平時唔睇直播，淨係睇績同埋軍情，個人反而清晰啲，唔會受咁多主觀因素影響。

樂：係啊，嚟緊周中咁多二線波，靠晒你喇拿仁！