綠茵捧大抵過W

猪拉多纳

10/10/2011
文： 蘇豪

今日嘅天皇盃第2圈，日乙球隊東京綠茵改於駒澤公園出戰，面對非聯賽球隊長崎成功丸，成功丸並非浪得虛名，球隊發展都幾成功，今次越級挑戰綠茵有力威脅對手，主勝賠率偏低，熱而不穩，可改捧入球大！




（周一中午12時開賽）




天皇盃次圈有唔少「不明物體」，相信大家對長崎成功丸認識唔多，呢間球會目前於JFL角逐，身處日本第3級別聯賽，今季於JFL表現理想，作客成績極佳，戰鬥力唔弱。


成功丸有一拚之力


成功丸冇乜大牌球星撐場，較具名氣為射手中山悟志，此子踢過大阪飛腳，雖然出場機會唔多，但質素唔曳，今場隨時搵到食。




綠茵於日乙難望爭取升班，但球隊今季不時大爆發，曾大勝熊本羅亞素5比2，亦試過7比2狂數FC橫濱，火力極強。綠茵連續2場保持不失，只係今次對住次一級嘅成功丸，球員心態難免會較為放鬆，隨時畀對手有機可乘，主勝偏熱，捧大更佳。

常在河边走