阿仙奴翻啅奧林比亞高斯

猪拉多纳

28/09/2011
文： 樂比堅尼

Ｆ組阿仙奴主場對奧林比亞高斯，兵工廠今季衰到貼地，但樂比仔相信求其一隊英超二打六，都可以喺歐洲橫行，更何況係歐聯經驗豐富嘅阿仙奴，今場唔使諗咁多，簡單捧「讓球主勝」啱數。（有線62及202台周四凌晨２時45分直播）




阿仙奴今季經過大換血後，距離班霸行列已愈來愈遠，如果最終打入前四已經要還神，不過喺歐聯層次嚟講，樂比仔深信阿仙奴依然係超班，淨係睇外圍賽淘汰意甲烏甸尼斯，首場分組賽打和德甲冠軍多蒙特，就知道等閒之輩要擊敗阿仙奴唔容易。


大勝保頓添信心


事實上，樂比仔已多次提及阿仙奴歐聯主場成績極佳，除保持十一仗主場不敗，對上一次喺歐聯主場輸畀非英格蘭球隊已經係○三年九月，雖然中場韋舒亞證實要養傷一段長時間，但球隊上仗聯賽贏保頓三比○，寫下今季最大勝仗，士氣返晒嚟，絕對有信心炒多場。




希臘奧林比亞高斯去年由華爾維迪執教後，開始西班牙化，陣中西班牙兵包括奧拜斯、耶斯迪及富斯達等人，不過佢哋並非一線人才，對球隊實力冇太大幫助。




由於希臘經濟不景氣，好多球會都債台高築，連奧林比亞高斯都冇錢增兵加強實力，今晚作客阿仙奴想發圍相當難。兩年前歐聯阿仙奴主場贏奧林比亞高斯二比○，一於翻啅呢個波膽！