酒店附近曾有恐襲

猪拉多纳

06/09/2011


國足酒店附近曾發生人肉炸彈襲擊！中國今次作客約旦首都安曼，大軍入住當地五星級Landmark酒店，早於六年前，當地三間著名酒店曾遭受人肉炸彈襲擊，現時保安非常森嚴，但恐襲陰影猶在，一眾球員出入都好小心。


保安嚴密出入X光檢查


中國大軍今次進駐Landmark酒店，預訂超過廿間房，每晚房價要200美元（約1,560港元）。由於六年前安曼市中心幾間著名酒店發生人肉炸彈襲擊事件，當地酒店已全面提升保安力度，一眾球員到埗後要經過X光機檢查先可以進入，氣氛都幾緊張。




另外，國足日前喺酒店食晏，酒店南側發生小型火災，現場濃煙四散，但由於大軍喺另一邊食飯，所以完全唔知發生乜事，如果畀佢哋見到咁大煙，分分鐘以為又有恐怖襲擊，隨時嚇到雞飛狗走！