馬略卡斷箭難奪愛

猪拉多纳

28/08/2011
文： 法比加輝

呢個世界有啲人注定做主角，要做主角真係好難，但做配角、做甘草、甚至做特約一樣可以好搶，安守本分稱職固然好，配角其實都可以獨當一面。




西甲開鑼巴塞隆拿同皇家馬德里注定做主角，估計稍為「有戲」嘅會係馬拉加、華倫西亞、西維爾、維拉利爾同馬德里體育會，其他呢？Sorry，預咗做甘草！甘草都要交戲，要搵食就要做，馬略卡同愛斯賓奴呢類就係西甲甘草，冇咗未必淡而無味，但有佢哋就肯定精彩好多。


射手韋保離隊


今晚兩軍對碰有如甘草鬥戲，其實嗒落有味，馬略卡雖有主場之利，但主力射手韋保他投影響攻力，愛斯賓奴今季繼續以歐洲賽為目標，佢哋同馬略卡實力相若，受讓要捧「讓球客勝」。




（周一凌晨零時開賽）