地頭龍彭美拉斯大動干

猪拉多纳

30/06/2011
文： 牛奶仔

聽朝巴甲好戲連場，剛被打破不敗身嘅彭美拉斯，今仗回師主場勢必大打爭氣波，加上有新兵前鋒馬干費蘭度處子登場，迎戰近況麻麻嘅戈亞尼恩斯，料可大勝一吐烏氣，1.45倍主勝咪嫌熱。（開賽時間：周五早上6:30）




開季5場不敗嘅彭美拉斯，上場作客慘吞施亞拉2蛋，一班球員條氣當然唔順啦，今次重返主場作賽，定必全力爭勝以保聯賽前列位置。事實上，彭美拉斯主場出擊素來所向披靡，近14場就錄得12勝2和佳績，今季聯賽3次主場出戰亦1球不失。賽前彭美拉斯更傳嚟好消息，由山度士來投嘅前鋒馬干費蘭度已辦妥轉會手續，可以趕及上陣，大大加強入球能力。


戈亞尼恩斯後防開窿


至於中游分子戈亞尼恩斯上場同樣輸波，亦係佢哋近5場聯賽嘅第3場敗仗，球員士氣無疑受到一定打擊。呢班波最大弱點，就係後防頻頻犯錯，近9場只得1場可以保持清白身，今場作客火力強勁嘅彭美拉斯，睇怕都冇運行。