卡爾馬趁火打劫

猪拉多纳

20/06/2011
文： 麥馬拿仁

今晚瑞典超重頭戲，馬模主場啃唔落卡爾馬。馬模新教練列卡諾寧同隊波八字唔夾，上任後兩場不勝，上仗於瑞典盃就射輸十二碼畀卡爾馬出局，加上早前對希爾星堡賽事剛被判輸波，士氣相當低落。卡爾馬近期後防表現醒神，捧1.95倍「讓球客勝」同細盤！（周二凌晨1時開賽）




上季馬模勇奪聯賽冠軍，教練路蘭尼爾遜居功至偉，但此名功臣本季早已應承轉教丹麥勁旅哥本哈根，致令軍心不穩，而佢五月尾帶領球隊擊敗咸史達斯後，終於離隊他投。馬模迫不得已，搵嚟甲組仔阿西里斯卡教頭列卡諾寧頂替，球隊首仗○比二不敵ＡＩＫ蘇納，去到瑞典盃亦輸畀卡爾馬畢業。




馬模球員明顯對路蘭尼爾遜念念不忘，而列卡諾寧似乎亦未夠料舞掂隊波。另外，早前聯賽對希爾星堡因為球迷騷亂，該仗馬模被判輸○比三，球隊壞消息接二連三，士氣直插谷底，就算有主場之利要贏都並非易事。


佐加頓斯捱「細」界


卡爾馬本季成績理想，近期連作客成績都有改善，剛於瑞典盃淘汰對手有助增強信心。近四次卡爾馬造訪馬模三次贏波，反映卡軍唔驚對手，受讓捧「讓球客勝」，細盤亦可兼顧。另一場佐加頓斯主場對西里安斯卡，今戰將移師拉森達球場上演，佐軍失主場之利削弱贏波機會，西軍近六場有五次不失，呢場捧細盤。