丹麥冰島U21慢工出細貨

魑魅魍魉

18/06/2011
文： 自由恒

星期三晚上網，發現歐洲足協官網uefa.com，原來有提供U21歐國盃免費網上直播，畫面質素雖然一般，但勝在夠暢順，但更驚喜係本地收費台忽然喺第3輪分組賽起直播，確實係估佢唔到，不過官網live會否因港區轉播權出售而取消，就真係要到今晚先有分曉。




首兩輪U21戰情比去年南非世盃分組賽更悶蛋，頭8場有6場開細，開大嗰兩場都只係2:1。事實上U21能力不及大國腳之餘，集訓時間更短，根本冇條件打進攻足球，惟有率先搞好防務，因此近屆嘅U21決賽周分組賽，入球數字都係偏少，繼續追細先係上算。




同分計對賽東道主毋須大炒




今晚A組上演最後一輪，東道主丹麥為保出線機會，今仗對住包尾嘅冰島實在不容有失，由於同分先計對賽，丹麥今晚只需贏1:0就夠；至於冰島，分組賽兩場都冇波入，想唔做三零部隊都難，今仗撞上冇必要大勝嘅丹麥，睇怕入波都唔慌多。（now633台周日凌晨2:45直播）


足球重心


丹麥U21（入球細）


賽制


8支參賽隊伍將先分2組，每組4隊作賽。每隊互相對賽，勝得3分，和有1分。每組前2名球隊進身4強淘汰階段賽事。

Battle精選

馬膽推介

S1-2場2 盼黎明

今晚又有越洋轉播，發覺愈唔係重頭戲就愈正路，相信第2場嘅夏域錦標亦唔例外，「盼黎明」轉戰長途後3連勝之餘，更愈贏愈易，遲早可以挑戰國際一級賽，今仗跑二級賽明顯超級。