哥斯達黎加重振洪風

魑魅魍魉

18/06/2011
文： 力奇

被視為美洲金盃8強戰其中一場最勢均力敵賽事，分組賽表現未如理想嘅哥斯達黎加，始終火力較為可靠，面對雷聲大、雨點小嘅洪都拉斯，後者今屆賽事有兩仗入唔到波，鬥駁火難免輸蝕，今場2.3倍哥斯達黎加主勝值得捧場！（now634台及廣東體育周日清晨5:00直播）




哥斯達黎加最終僅憑較佳得失球壓過薩爾瓦多，以A組次名出線，表現其實都算令人失望。大敗墨西哥腳下唔會令人意外，但就連對住薩爾瓦多都搞唔掂，反映到班球員狀態麻麻，發揮欠佳。不過，嚟到8強淘汰賽階段，始終都講經驗，近5屆賽事有3次殺入4強嘅佢哋始終較為可信，只要射手拜仁雷斯能夠及時甦醒，以分組賽3戰入7球、對住墨西哥都入到波嘅平均火力，點都可以秤高些少。


洪都拉斯鋒線冇火花


公認係中北美洲區新興勢力嘅洪都拉斯，一對箭頭卡路哥斯利射術佳，謝利賓特臣則潛質優厚，只係二人喺今屆賽事似乎擦唔出火花。雖然同係3戰入7球，但查實7個入波全部係喺超級魚腩格林納達身上取得，其餘對住牙買加同危地馬拉都係食白果，今仗對哥斯達黎加都係咪寄望太多，前線入唔到波，齋守90分鐘都幾難唔出事？