鯨魚再吞天鵝肉

魑魅魍魉

15/06/2011
文： 蘇豪

日職今日開快車，衞冕之師名古屋鯨魚主場對新潟天鵝，天鵝近況曳，近四輪聯賽輸三場，加上有半隊主力缺陣，戰鬥力大打折扣，作客實捱打。鯨魚傷兵問題已改善，近期連贏兩場強勢反彈，捧主勝！（now 633及660周三晚6時直播）




名古屋鯨魚傷兵情況續有改善，攻擊主力金崎夢生有望復出，將與中鋒約舒亞堅尼地及左腳王玉田圭司重組進攻鐵三角，火力唔成問題。鯨魚於亞冠盃出局後，近兩場聯賽贏晒，包括於主場以五比二大炒福岡黃蜂，上場作客磐田山葉亦小勝一比○，鯨魚已經返晒嚟，聯賽可力爭上游。


天鵝半隊主力缺陣


新潟天鵝頭五場聯賽保持不敗，射手般奴盧比斯射入三球演出對辦。不過，球隊近四場聯賽一和三負，般奴盧比斯死晒火，今場更有多位主力缺陣，門將黑河貴矢、守將內田潤、中場菊地直哉及加藤大等養傷，小將酒井高德及鈴木大輔代表日本奧運隊出戰，目前天鵝人腳唔齊非常頭痕。




翻查往績，鯨魚近三次聯賽主場對天鵝取得兩勝一和，今次趁住對手唔齊腳，可望順利再贏多場，1.6倍主勝穩陣。


鹿角災後重返主場


同日另一受災球隊鹿島鹿角主場對甲府風林，鹿角球場於災難中損毀，經過一輪維修，今場終於可以重返主場作賽。鹿角賽前於一周內兩度安排閉門操練，備戰非常認真，面對次級球隊風林贏面高，今場主勝冇乜肉食，可直取「讓球主勝」。