莫迪1.52倍W撳住史達搶

猪拉多纳

13/06/2011
文： Combo King

今日阿King集中推介挪超賽事，重心放在莫迪主W，呢支由前曼聯球員蘇斯克查領軍嘅球隊經過上輪慘敗，今返主場有力止血殺敗史達，1.52倍主W可作為過關膽材。（周二凌晨零時開賽）




莫迪上仗作客雖然淨吞侯格辛特五蛋，但其實全場有唔少入波機會，表現未算太差，經過國際賽空檔，相信球員可以收拾心情重整旗鼓，佢哋今季主場聯賽僅輸一仗，仲曾經贏過實力不俗嘅費德列斯達及前列球隊史達比克，表現有一定保證。


史達近三作客輸晒


史達近況極差，上月份四場聯賽一和三負，而且合共失咗十球，防線甩漏多，今場佢哋仲有後防主力域斯度爾坐波監，情況更令人擔心，單計聯賽，佢哋近三場作客全部輸晒，遇上剛逢大敗要打爭氣波嘅莫迪肯定凶多吉少。




另外兩場挪超，利尼史特朗主場鬥奧特格寧蘭，奧特格寧蘭近年作客利軍往績佳，近五次聯賽取得一勝四和，2倍「讓球客勝」固然可取，想要更好分頭可捧3.8倍「和」。最後一關選史達比克主場對阿里辛特，史達比克踢法大開大闔，除咗係今季挪超入波第二多球隊，失球數字係聯賽中最高，阿里辛特聯賽作客平均每場失兩球，今場捧大啱數。