搵食Battle：薩爾瓦多鬥古巴冇優細

猪拉多纳

12/06/2011
文： 自由恆

由於中北美洲區來來去去都係美國同墨西哥天下，因此早幾屆美洲金盃都邀請過其他洲份嘅代表出席，從而提升整個賽事嘅競爭性，不過近年卻只係畀「自己友」參賽，因此有大量唔入流嘅加勒比海島國入圍，拖低晒整個賽事水準。




喺今屆賽事，格林納達同埋古巴都被認定係魚腩，大家兩戰皆北之餘，失球數字更火速進軍雙位數，但咪以為佢哋已經篤定出局，事關兩支小組最佳第3名都可以出線，兩隊喺最尾一輪奇迹贏波，仍然仲有數講。


3月尾曾險勝1:0


聽朝古巴就會喺A組最後一輪遇上薩爾瓦多，由於後者喺上輪打和略有名氣嘅哥斯達黎加，所以今仗正路係偏熱，只不過主W居然只得1.13倍，「-1」都係1.52倍，我不如等球季重開買巴塞好過啦，事實上薩爾瓦多今屆分組賽都只係入得1球，今年3月尾同古巴友賽亦只係小勝1:0，2.4倍入球細似乎仲吸引。（開賽時間：周一早上6:00）


Battle精選


足球重心 薩爾瓦多（入球細）




睇飛搵食 富明尼斯（讓球客勝）




巴西波主場威力向來不容忽視，一向穩陣嘅足智彩照慣例都全面調熱巴甲主W，本周10場賽事，就只得兩隊主W賠率係冷過歐平，其中一隊係升班後冇料到嘅巴希亞，呢點完全可以理解，其次居然係有一定名氣嘅哥連泰斯，似乎佢哋今晚主場未必贏到富明尼斯喎！