開波大吉：捷克齋靠高佬好「蘭」搵着數

猪拉多纳

12/06/2011
文： 吉拿甸奴

U21歐國盃B組引爆東歐大戰，捷克U21今晚對烏克蘭U21，未必開到W。捷克U21主要靠確定轉會紐倫堡嘅1米94中鋒柏赫特屈機，今次對住同樣踢慣高空波嘅烏克蘭U21，唔容易攞到着數，既然係咁，不如冷敲1.65倍「讓球客勝」好過。（開賽時間：周一凌晨0:00）


烏克蘭U21默契搭夠


捷克U21喺外圍賽有7勝1和，唯一和波係主場1:1打和德國U21，其餘7場贏晒，期間入25球、失4球，附加賽更加兩回合計以5:0淘汰希臘U21，的確相當惡。不過咁，現時捷克U21陣中最有威脅力嘅柏赫特，主要係靠身高優勢恰對手，呢場對住高大又硬淨嘅烏克蘭U21，唔排除會死火入唔到波。




仲有呀，捷克U21嘅另一位前鋒，係効力拉素嘅高薩克，身高都有1米93，踢法同柏赫特好接近，即係話，高佬陣比較容易被睇死，唔值得睇太高。




另一方面，查實對家烏克蘭U21喺外圍賽都有4勝4和唔好惹，附加賽又淘汰荷蘭U21出局，隊波冇外流球員，主力大部分來自基輔戴拿模，默契贏晒，外圍賽表現硬淨捧得過。