美國超班3分手到拿來

魑魅魍魉

11/06/2011
文： 朱楓

防守就係最佳嘅進攻！雖然美國首仗對住加拿大進攻唔算銳利，但後防就堅過石堅，聽朝喺C組榜首大戰對住防線零默契嘅巴拿馬，實在唔難再下一城，朱楓會捧1.8倍「讓球主勝」！（now634台周日早上8:00直播）




「花旗國」今次大軍名單後防不乏外流球星，點知上仗對加拿大，史碧達、安恩胡同列查積竟然全部唔喺正選名單入面，反而起用寂寂無聞嘅葛特臣同添列姆擔當中路拍檔，好彩兩人都打出超水準，門將侯活更加上晒身，多番近門擋出對方勁射。賽後効力丹麥聯賽嘅葛特臣話好開心擔正，仲話明會繼續爭取表現，確保喺2014年世界盃繼續擔正，今場梗係唔會咁易鬆章啦！加上近年被人插到爆嘅前鋒艾迪杜里上仗入波，信心增強唔小，睇怕巴拿馬冇運行！


巴拿馬後防輸默契


巴拿馬上場因瓜德羅普一早打少個，一度遙遙領先3:0，點知下半場竟被對手連入2粒，仲差啲被追和，最後僅勝3:2。賽後右閘兼隊長巴萊承認班波後防缺乏溝通，希望嚟緊加強練習改善，但默契嘅嘢唔係話一時三刻就練到，如果唔係隊隊都可以守得住巴塞啦！聽朝作客大超班嘅美國，輸2粒可以話走唔甩！




賽制：12支參賽隊伍分3組，每組4隊作賽，勝3分，和1分，負0分。每組前2名球隊，以及2支最佳小組第3名將進身8強淘汰賽事。