丹麥爭主W搶攻瑞士

魑魅魍魉

11/06/2011
文： 麥馬拿仁

U21歐國盃A組賽事，「東道主」丹麥U21迎戰瑞士U21。丹麥U21身為主辦國，小將必力求贏波爭取首捷，翻查往績近兩屆主辦國均能順利於首戰敲響勝鼓，因此丹麥U21主W值得信賴。




任何大賽主辦國由於擁有天時、地利、人和，所以往往能有超水準演出，過去兩屆東道主荷蘭及瑞典都能在首輪分組賽勝出，並且取得最終出線權。事實上，論人腳講實力，丹麥絕對有足夠本錢爭出線，中場大腦基斯甸艾歷臣今季協助阿積士重奪荷甲錦標，實力早獲肯定，而且佢本身亦已成為大國腳，級數在U21可謂大超班，配合箭頭尼高拉佐真遜和歷奇尼路臣，攻力有保證。


作客難頂巨大壓力


瑞士近年致力青訓，09年贏得世少盃冠軍更加係該國足球嘅傑作，今次大軍名單入面就有前鋒賓卡利法、中場格列沙加及後衞卡沙米來自當年冠軍隊嘅成員。不過，呢班小將年紀尚輕，加上抽籤不利，首仗就要對東道主，面對主場球迷嘅龐大壓力，未必可以發揮正常水準，呢場牌面好輸蝕，故宜捧主W。