山度士國體會大火併

港陌

21/05/2011


新一季巴甲聽朝正式揭幕，開咧日重頭戲必屬山度士主場對國際體育會。山度士出名火力勁，「進攻四重奏」令人聞風喪膽，今鋪喺自己地頭處子登場，肯定大踢進攻足球；不過對手國體會亦屬傳統勁旅，作客唔似會死守，今鋪兩隊隨時互相駁火，入球大值捧！（開賽時間：周日早上8:00）


進攻四重奏 Vs 阿根廷孖寶


山度士近年喺巴甲極受人注視，事關隊中有超新星尼馬、前巴塞前鋒基利臣，前曼城中場艾蘭奴同近期獲AC米蘭垂青嘅甘素，呢個「進攻四重奏」火力極之驚人。事實上，山度士以踢法悅目見稱，上季入波同失波都多，今季首輪主場出擊，當然希望打響頭炮，應會攻到對手有氣無碇抖。




國際體育會係06同09年嘅巴甲亞軍，實力唔曳，人腳質素唔錯，包括擁有前阿根廷國腳迪阿歷辛度，加上今季成功由法甲波爾多借用阿根廷前鋒卡雲拿基，火力有增無減，今仗相信衰極都至少可以破蛋，話唔定未過半場已同山度士炮製一場大騷畀大家。




推介︰




入球大1.88倍