薩拉戈薩搶W報答球迷

港陌

21/05/2011


球迷支持係爭勝嘅最大動力！薩拉戈薩今晚作客利雲特，將有5,000名球迷隨隊打氣，後防大將蘭沙路話成班隊友都超感動，講明要贏波報答粉絲，撐薩拉戈薩1.65倍客W啦！


5,000粉絲隨軍作客利雲特


薩拉戈薩目前排喺尾三，表面睇嚟係「6苦」中最危嗰隊，但查實皇蘇對基達菲一戰總有一隊要失分，所以薩拉戈薩今晚只要贏波，就唔使理其他賽果，成功護級。




為支持愛隊，薩拉戈薩球迷發起隨軍出征行動，據講今晚會有5,000位「薩迷」隨隊作客，守將蘭沙路日前開腔話好多謝球迷不離不棄：「我見到佢哋排隊買我哋今場波嘅波飛真係好感動，今晚我哋一定會全力爭勝！」對家利雲特早就上岸，翼鋒悉斯高拿度又要停賽，呢場讓路畀薩拉戈薩有咩出奇？