華倫風流波救拉科

港陌

21/05/2011


另一場煞科戰直播，有拉科魯尼亞對華倫西亞。「蝙蝠兵團」已經完成任務，今季如願取得聯賽季軍，煞科戰心態難免成疑。反觀主隊拉科仲要搏命，因為佢哋贏波就能成功護級，加輝認為華倫缺乏鬥心下，作客難有作為，建議捧主勝。（now 632及660周日凌晨４時直播）


拉科主場踢高幾班


拉科在護級形勢上都算樂觀，事關佢哋只要在今場擊敗華倫西亞，就能夠上岸，主動權喺晒自己手，又有主場之利，應該難唔到呢支老牌球會。事實上拉科近況的確唔曳，近三場未輸過，包括上場作客魯營都搶到一分，算係有晒交代，再者拉科主場一向踢高幾班，近四主場贏三仗，主場出擊可以睇高一線。




正如頭先所講，華倫可以踢風流波，教練艾美利今場大有機會派一眾副選上陣，例如長居後備嘅維辛迪及莫亞，預計都會正選披甲。華倫戰意欠奉兼出副選，拉科主Ｗ熱至1.53倍都要捧。