南錫掃雷吊命

港陌

21/05/2011
文： SAMVO肥叔

歐洲主流聯賽進入最後衝刺階段，近期大戶手風唔順，喺德甲席位爭奪戰又損手，慕遜加柏對住波琴，大戶瞓身支持波琴，結果踢到最後時刻先輸，認真冇運。不過睇番比賽戰情，慕遜加柏踢落對辦，贏波合情合理。




大戶去到季尾頻頻搏殺失手，其實並非無因，佢哋以程式菠菜搵食，只要盤口有利就會落注，但往往會忽略球隊陣上鬥志呢類因素。肥叔已經提醒班手足要小心啲，千祈唔好盲目跟住班大戶玩。呢個時候揀波最緊要有經驗，近期肥叔成績唔錯，飲茶嗰陣啲老友個個讚好，總之大家齊齊贏就最開心。


雷恩冇大志難靠


講番今次推介，法甲尚餘兩輪，今晚雷恩主場對南錫，捧客隊！雷恩排第五已奪得歐霸盃入場券，呢班波去到季尾完全走晒樣，喺主場都冇晒威力，似乎球員已抱收咧心態，就算上場贏波止血，今次亦難樂觀。南錫排十七護級形勢危急，鬥志一定好過對手，今次有力搶分，受讓值得留意。（周日凌晨3時開賽）




同日西甲煞科，榜尾形勢非常緊湊，其中馬略卡主場對馬德里體育會，捧主隊！馬略卡今季長期徘徊中游位置，去到季尾愈踢愈沉，現時仲未護級成功，不過呢班波喺主場始終有惡氣，需要搏殺時好少甩拖，今次一定搏盡畀你睇，現時要讓馬體會平半，盤口夠晒硬淨，絕對信得過。


肥叔心水


馬拉加下盤




史浩克04上盤

巴黎聖日耳門上盤

南錫下盤

利雲特下盤

馬略卡上盤

皇家蘇斯達細盤