金石盟專欄：新力飛腳法嫻熟

猪拉多纳

　　昨晨沙田馬場有霧，視野受到影響。全朝跳馬頗為踴躍，加上草地千八米開放供馬匹試跑或彈閘，甚具睇頭。

　　 「新力飛」白德民在草地試八百米，動作靈巧，腳法嫻熟，上勁起力，好過上賽。

　　「風雲武士」白德民在草地試八百米，步伐雄健，馬身紮實，神態活躍，進度一日千里。

　　「富貴金龍」助手試八百米，漫不經意完成，蹄姿輕巧，彈力充盈，勇況撩人。

　　 「一言為定」助手試千二米，何澤堯策「當旺」相伴，前駒半力相就下以半乘壓住廐侶過終點，步幅開揚有力。

　　 「傾力之城」白德民試千二米，四蹄揮灑自如，勁力貫注，體格強健，一切對辦。

　　「綠續有贏」助手試八百米，動作矯捷，神生火旺，體力冇問題，觀感仍佳。

四季充滿朝氣

　　「四季」白德民在草地試八百米，末段推騎反應甚佳，朝氣蓬勃，成熟程度邁進。

　　「稻庭烏冬」副練試八百米，直路神閒氣定，步伐穩健，且有活力，漸入佳境。

　　 「善戰」副練試四百米，姿態從容，腳頭硬朗，操養得宜，有迴光勇。

　　「博愛福星」助手試八百米，翻步暢順，情緒比前集中，腳勁增強，進度滿意。

　　 「好精伶」楊明綸試八百米，助手策「樂韻悠揚」多帶放引導，最後一程前駒在外檔逐步趕上，一齊衝線，走勢上力，脾氣大有改善。

　　「星運俊爵」何澤堯、「開心風采」助手及「福勝滿載」助手同在草地彈閘，前駒起步稍慢，鞍上人順勢拉實，全無追趕意識，最終以三四乘見負，但馬匹出腳暢順，勁力均勻，觀感上並無不妥。

　　「芙蓉威龍」黎海榮在草地試八百米，奮力增速，步伐整齊有力，馬身紮實，近況不遜於上名時。

　　 「順利得勝」蔡明紹在草地彈閘，以高速完成，衝刺力頗強，試來似模似樣。

　　「卓越精英」賴維銘在草地彈閘，副練策「勝利金剛」相伴，躍出均順利，沿途爭持不下，叮噹馬頭而回，前駒出腳爽朗，火氣充裕，勇態攀升。